1921 e.V.

Wetter in
Fluorn-Winzeln

Am Wochenende isches soweit,
beim KSV es äbbis zom Feira geit,
90 jähriges Geburtstagsfeschd,
mit hoffentlich au ganz veil Gäschd.

Ab Samschdig wird gefeiert ganz groß,
uf da Matte gohts mit Ringkampf los,
Konstanz und Musberg zwei,
doand eisre Gegner sei.

Die erschde Mannschaft hot a hartes Los,
da Kampf gwenna, d´Fraid wär groß,
dia Fildermannschaft isch guad in Schuss,
will vorna bleiba bis zom Schluss.

A Leckerbissa kennts no gea,
wenn sich Frank Stäbler uf da Matte lot sea,
Musberg1 nämlich kampffrei hot,
er vielleicht bis 74 uf da Matte stoht.

Noch em Ringkampf gohts glei los,
zom Fassaschdich mit Dirndl ond Leaderhos,
Bayrischa Obad bis tief end Nacht,
da DJ Melber Musik macht.
 

Am Sonntig geits a Feschdbankett,
älle Vereinsmitglieder send eisre Gäschd,
Grußworte und Ehrungen sind geplant,
da Wenzler Musikverei da Frühschoppa umrahmt.

Ab 11.30 es dann Mittagsessa geit,
eiglada send do älle Leit,
lont dahoam die Küche kalt,
ond machet bei da Ringer halt.

Essa ond Getränkekart,
isch bei eis uf bayrische Art,
Herbstbier, Weißwürschd ond au Kruschdabrota geits,
mit Spätzle ond Knödel, mir hoffet euch fraits.

Da Nochmittag gehört da Jugendringer,
ond dia wollet gwenna so wie immer,
los gau duad des ab viertel drei,
au do send hoffentlich veil Leit dabei.

Ãœber beide Dag ganz interessant,
geits a grauße Bilderwand,
mit veil Fotos ond Bericht,
uf deana sieht mer so manches Gesicht.